Tamanna Ne Zindagi Se Puchha

Ek Roz ki Baat hai,
             Tamnna ne Zindagi se puchha
            Main kab houngi puri
Zindagi ne kaha,
              Jab tu ho jayegi puri
Mera wajuda  kya hoga,
              Main to rahajaunga adhura.


Tamanna ne kaha,
                Tera mera kya hai Rista
                 Kya lagu main teri
Mujha bin bhala tu kyun ho jayga adhura


Zindagi ne kaha,
        Main Dil tu Dhadkan hai meri,
        Main Ghar tu Angan hai meri,
         Main Sharir tu Pran hai Pyari.


Tere bin Zindagi ka panna rahjayega kora,
Phir Zindagi bin Tamanna kaise hoga pura.
Hum dono Ekduje ke bin  hai Adhure


Sath Sath Chalenge
   Sath Sath Jalegen,
Phir ho Jayenge Chhu
Mai Zindagi Aur Meri Tamanna hai tu.
******************************************************************

Ye Soch Ke

Ye Soch ke Zakhm Dikhaya ki Dard Kam ho Jayega
Par Kya Pata Tha ki Zakhm Dekhne Wala hi Dard De Jayega.
Hum ne Gum kam Karne ka Ise Sahi Tarika Samjha
Par Gum Dene wale Ne Gum Dene ka Ise hi Sahi Mauka Samjha
Zalim ne Itna Tadpaya ki Hum Roo na Sake
Sayad Aansoo Kam Padgaye,
Isliye hum So na Sake.

RATRI

   

Suraj ki rosni se Dur 

Andhere ki aagosh hai Ratri 

Chand ki roshni se sarabor 

Kale badalon sa madhosh hai ratri  

Chand ki Pyas hai Ratri, 

Subha ki aash hai Ratri, 

Phir bhi Udash hai Ratri.  

Sapno ki Angadai hai, 

Tute khwab ki parchhai hai, 

Sirf ek Tanhai hai Ratri.  

Sunsan sadak hai Ratri 

Sannaton ki Tadap hai Ratri 

Sota Sharir,

Bejan Zindagi main 

BEhosh hai Ratri.  

Ek Ansuljhi paheli hai Ratri 

Chand aur taron ke bhid main bhi akeli hai Ratri 

Tanaha Zindagi ki Saheli hai Ratri. 

******************************************************